關心妍5歲囡囡睇關家姐、攞錯獎事件睇到喊 「同佢講唔緊要，企番起身就OK」
即將於紅館舉行《約》20週年演唱會的關心妍Jade，近日於電台節目中透露，5歲囡囡無意間於YouTube看到她當年「攞錯獎」片段，問起她事件因由，她一併向囡囡解釋「攞錯獎」及「關家姐」事件，囡囡得悉後哭了起來。關心妍便以兩件事作為教材，教導囡囡如何面對欺凌，「同佢講唔緊要，企番起身就OK」。
關心妍近日到香港電台第一台節目《舊日的足跡》接受主持車淑梅訪問。提到５歲女兒時，關心妍形容女女熱愛體操，要求6月在紅館登台唱歌，囡囡說：「但係我唱完之後可唔可以打筋斗？」關心妍解釋，原來愛女很喜歡「打側手翻」。
無意中看到「搶獎」片
由於女兒愛體操運動，好媽媽關心妍經常於YouTube為她挑選音樂，讓女兒邊聽邊跳。然而，YouTube其後自動推介她當年「攞錯獎」短片給女兒，女兒看過後問發生甚麼事，關心妍便細心解釋，更一併講述「關家姐」事件。結果女兒「睇到喊」，「佢喊因為覺得點解佢哋要咁樣話你，你都唔係咁樣（嘅人）」。
利用作教材
無綫TVB《2008年度十大勁歌金曲頒獎典禮》中，當時宣佈關菊英奪得「傑出表現獎金獎」時，關心妍卻誤以為自己得獎，從後排上前擁抱關菊英及取去她手中獎座，因此亦有人形容為「搶獎」事件，場面極度尷尬，經常被網民「翻炒」嘲笑。
關心妍表示，她藉此機會教育女兒「人生係會做錯嘢、會做傻事，係會俾人笑」，希望女兒明白「冇人唔會做錯嘢，同佢講唔緊要，企番起身就OK」。她於節目中又感謝「菊姐」關菊英沒有怪責她，「佢仲安慰我『冇事啦，傻妹』」。
「關家姐」傷害最大
關心妍2002年出度即獲多獎項，04年僅出道兩年便在紅館舉行演唱會，但同年11月網上一篇《關心妍搞到我家姐無左份工》惡搞文章，卻令她事業墜落谷底。她於節目中形容「呢篇文係好大嘅傷害……對事業好大打擊……當其時係好慘」。她向囡囡解釋「關家姐」事件時，教導她要學會面對欺凌，因為「將來你返學都可能會面對」。
儘管不斷澄清絕無其事，但關心妍表示當年因該篇「潮文」等因素「冇晒工作」，但今天回望也會感謝「關家姐」潮文，讓她投入了義工工作，明白到「人生有好多條路」，以及做人做事都要好小心謹慎。
（全文完）
推薦閱讀：
疫苗通行證｜5.31實施第三階段 一文睇清6類人要求 有1類人要打齊三針
消委會調查37款嬰幼兒小食 半數高糖！6款無糖無鹽安全小食名單一覽
😊 為生活增值 Like👉有線生活facebook
💪 睇健康貼士 Like👉有線健康facebook
🔔 接收最新生活資訊 follow 👉 有線生活ig @icable.life
